В сабота, 21 февруари, во Струга ќе се одржи мултикултурниот настан „Заедно за Струга“. Акцентот ќе биде ставен на градењето мултиетничкиот соживот, преку разновидни активности.
Ќе учествуваат ученици од македонски, албански и од турски паралелки од училиштата во Струга.
– Ќе ја прославуваме различноста на Струга преку групни активности. „Заедно за Струга“ е првиот настан од ваков вид – најавуваат организаторите.
Предвидените активности ќе се случуваат од 11 до 13 часот во Спортскиот центар „Тими“.