Претставничката на ОБСЕ за слобода на медиумите, Дуња Мијатовиќ, побара надлежните власти во Македонија да ја гарантираат безбедноста на новинарот Борјан Јовановски, кој во четвртокот беше нападнат во ресторан во Скопје.
– Ова е неприфатливо однесување. Уште еден бесрамен обид за замолчување на храбриот новинар Борјан Јовановски. Надлежните мора да ја осигураат неговата безбедност – напиша Мијатовиќ на својот твитер-профил.
Unnecaptable behavior! Another shameful attempt to silence courageous journalist @BorjanJovanovsk , authorities need to ensure his safety. https://t.co/kt16SE8WXl
— Dunja Mijatovic (@Dunja_Mijatovic) March 4, 2017
Нападот на Јовановски се случи два дена откако екипата на „А1он“ беше нападната и претепана додека го покриваше вториот ден од протестот на граѓанската иницијативата „За заедничка Македонија“.