Властите на Република Српска се определени за европскиот пат на БИХ, но дека сакаат Република Српска да биде повидлива на тој пат преку механизмот за координација, соопшти синоќа претседателот на Република Српска и на партијата СНСД, Милорад Додик, по состанокот со високата претставничка за надворешна политика и за безбедност на ЕУ, Федерика Могерини.

– Република Српска направи сè во рамки на економската реформска агенда и единствена ги исполни условите од писмото за намери со ММФ – изјави Додик.

Тој оцени дека проблемот е во тоа што во БИХ не профункционира механизмот за координација, а за тоа го обвини Советот на министри на БИХ, кој, како што кажа, воопшто не ги исполни своите обврски.

– Колку што разбрав, тоа е приоритетот што денеска го усогласивме – истакна Додик и додаде дека власта во РС го прифати моделот со механизмот за координација што е и усвоен, но предупреди дека ќе има „проблем доколку тој не профункционира“.

Претставниците на политичките партии во БИХ на средбата со Могерини ја истакнаа определбата на земјата кон европските интеграции.