Уапсени се седум членови на терористичка ќелија која подготвувала киданпирања и егзекуции на туристи во Мароко, соопшти денеска мароканското министерството за внатрешни работи.
„Членовите планирале терористички операции, вклучително и киднапирање и физички ликвидации на туристи кои ги посетуваат летувалиштата во Мароко, како и напади врз лица кои се непријателски расположени кон нивните уверувања“, се наведува во соопштението.
Уапсените, кои, како што тврди полицијата, се заколнале на верност на џихадистичката група Исламска држава, биле обучувани во терористички камп во планинскиот регион близу Беркане, во источниот дел на Мароко.
