Технолошката компанија „Мајкрософт“ тврди оти руски хакери, кои биле поддржани од владата, добиле пристап до мејловите на високо рангирани членови на компанијата.
Од компанијата во петокот изјавија дека нападот почнал во ноември 2023 година, а бил откриен на 12 јануари. Од „Мајкрософт“ сметаат дека зад нападот стојат истите хакери кои стоеле и зад големиот сајбер-напад во 2020 година, кога беа таргетирани над 200 големи фирми, организации и влади, вклучувајќи ги системите на американската и британската влада, „Мајкрософт“, НАТО и други.
Од „Мајкрософт“ велат оти мал број на мејл адреси биле хакирани и дека хакерите изгубиле пристап до истите еден ден по откривањето на сајбер-нападот, односно на 13 јануари.
Објавата на „Мајкрософт“ доаѓа месец откако во САД се изгласа закон кој ги обврзува компаниите чии акции се јавно достапни на берзата да ја информираат јавноста при упади на нивните податочни системи
