Либанската милитантна група Хезболах, истрела ракети кон врз воена база во северен Израел. Израелската војска соопшти дека се идентификувани приближно 40 лансирања од Либан кон областа Мерон без да даде извештај за жртви или материјална штета.
Според соопштението од Хезболах, нападот е одговор на убиството на вториот човек на Хамас Салех ал-Арури во Бејрут. Хамас, Хезболах и либанската влада за убиството го обвинија Израел, од но оваа земја не ја презеде одговорноста за нападот.
Во меѓувреме, државниот секретар на САД, Ентони Блинкен и високиот претставник на ЕУ за надворешни работи и безбедносна политика, Жозеп Борел, се на одделни дипломатски мисии посветени на престанок на тримесечната војна на Газа, која има опасност да се прелее и во други земји во регионот.
Борел денеска најави дека Либан и ЕУ ќе работат заедно на деескалација и долгорочна стабилност, откако разговараше со либанскиот премиер Наџиб Микати за ситуацијата во Бејрут, влијанието на конфликтот во Газа врз регионот на Блискиот исток, но и врз Сирија.
Американскиот државен секретар Ентони Блинкен денеска пристигна во Истанбул, каде што тој и министерот за надворешни работи на Турција, Хакан Фидан разговараа за повеќе теми, вклучително и актуелната ситуација во Појасот Газа.