fbpx

Лажни дојави за бомби во Загреб, „цел“ била и редакцијата на еден весник

Еден од објектите кои биле посочени како мети, била и зградата во која се наоѓа редакцијата на весникот „Јутарњи лист“, а во која седиште имаат и неколку фирми, но и министерство, една амбасада и еден ресторан

-

По дојавите за бомби што рано утрово стигнале во неколку медиуми утрово, полицијата во Загреб, главниот град на Хрватска, извршила проверки и констатирала дека заканите се лажни, јави Хрватската радиотелевизија.

Еден од објектите кои биле посочени како мети, била и зградата во која се наоѓа редакцијата на весникот „Јутарњи лист“, а во која седиште имаат и неколку фирми, но и министерство, една амбасада и еден ресторан.

Како места на кои наводно се поставени бомби биле посочени и Полициската станица Дубрава, врталиштето на трамваите во Дубрава, зградата на Агрономското училиште и хотелот Резиденс. Сите се наоѓаат во населбата Дубрава.

Заканата била испратена преку електронска порака која утрово пред 6 часот ја добиле дури 39 примачи, по што полицијата веднаш почнала со проверки.

ИзворHRT

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Навални погребан во Москва, го испратија илјадници Руси под силно полициско присуство

Илјадници Руси го скандираа името на Алексеј Навални изјавувајќи дека нема да им простат на властите за неговата смрт, додека денеска во Москва траеше погребот на најголемиот опонент на...