fbpx

Ковид-19 му донесе загуби на светскиот туризам од 320 милијарди долари

-

Светската туристичка организација (UNWTO) ги објави загубите во туризмот настанати поради пандемијата на ковид-19. Во мај годинава тие изнесуваат 320 милијарди долари, при што е забележан пад од 300 милиони туристи. Тоа е за три пати повеќе од загубите во 2009 година, за време на светската економска криза.

Последното издание на Светскиот туристички барометар покажа дека ограничувањето на движењето, кое беше воведено како мерка во пандемијата, доведе до пад на бројот на туристите во мај за 98 отсто во споредба со истиот месец лани.

Генералниот секретар на UNWTO, Зураб Пололикашвили, вели дека најновите податоци покажуваат колку е важно што поскоро да се раздвижи туризмот на најсигурен можен начин, како и дека драматичните загуби во дејноста ги доведуваат во ризик работните места на милиони лица, вклучувајќи ги и тие од земјите во развој.

-Владите во сите региони во светот имаат двојна одговорност, да му дадат приоритет на јавното здравје, но и да ги заштитат работните места. Тие мораат и да го одржуваат духот на соработката и солидарноста што го дефинира нашиот одговор на овој заеднички предизвик. Потребна е воздржаност од носење на еднострани одлуки кои можат да ја поткопаат довербата на која толку многу работевме и напорно ја изградивме – изјави Пололикашвили.

Иако туризмот полека се враќа на некои дестинации во светот, Индексот на доверба на UNWTO е паднат на рекордно ниско ниво, како во однос на проценките за јануари- април 2020, така и за изгледите за периодот мај-август. Поголем дел од стручњаците на оваа организација очекуваат дека меѓународниот туризам ќе заздрави до втората половина од 2021 година.

Истовремено, се бележат знаци на постепена промена во трендовите, најмногу во западната хемисфера, поради отворањето на границите меѓу земјите членки на ЕУ, од 1 јули годинава.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Млади иноватори изработија мобилна апликација за помош на дијабетичари

Ѓорѓина Ристовска и Марио Мијатовиќ се млади иноватори кои ја креираа апликацијата ДИА, како асистент на лицата со дијабетес за менаџирање на оваа состојба. Инспирирани од желбата да помогнат...