fbpx

Ковачевски: Хаосот што му се случува на Скопје е поради неспособноста и бизнис-интересите на ВМРО-ДПМНЕ

-

Премиерот Димитар Ковачевски на денешната прес-конференција одговарајќи на новинарско прашање дали Владата ќе помогне во решавањето на хаосот со протестите на приватните превозници рече дека хаосот што во овој период му се случува на Скопје е поради неспособноста и бизнис-интересите на ВМРО-ДПМНЕ и нивниот лидер Христијан Мицкоски.

„Граѓаните мора да знаат дека ВМРО-ДПМНЕ ја има градската власт во Скопје. Кадри на ВМРО-ДПМНЕ се најмногу застапени во сите управни и надзорни одбори во јавните претпријатија, вклучително и во ЈСП „Скопје“. Тие ја имаат целосната одговорност за тоа што денес се случува во Скопје. Знаат скопјани дека ова го прави ВМРО-ДПМНЕ“, рече Ковачевски.

Тој потсети дека истите луѓе кои денес држат прес-конференции се истите луѓе што беа во кампања на Данела Арсовска.

„Цело Скопје го блокирале. Зошто? Затоа што не ги бидува. И една работа ќе им порачам: Јас овде излегувам заедно со министрите со конкретни проекти и нека не замајуваат со отворени денови во општините, па сега ќе собирале идеи. Тие дојдоа со програма на локалните избори. Реализацијата е нула. И уште нешто ќе им порачам: до следните локални избори има уште две години и 10 месеци. Лета времето“, истакна Ковачевски.

Тој исто така ја потести јавноста и дека на последните локални избори по победата на Арсовска лидерот на ВМРО-ДПМНЕ Христијан Мицкоски заедно со цело раководство кажаа дека го освоиле Скопје.

„Самонаречениот градоначалник на Скопје, Мицкоски, мнозинството во Советот од ВМРО-ДПМНЕ, членовите од управите и надзорните одбори се единствените виновници што Скопје денеска е заглавен град, исто како што беа виновници што 11 години Северна Македонија, сега, тогаш Република Македонија, беше заглавена и заробена држава“, рече Ковачевски.

Тој додаде и дека идната година Владата ќе мора да обезбеди една и пол милијарда евра за враќање на обврзницата за проектот „Скопје 2014 “.

„Над половина милијарда евра е стиропорот што паѓа овде околу зградава, тоа е таа еврообврзница. И после таа катастрофа што му ја направија на Скопје, истите тие, со истите кадри, сега го заглавија цело Скопје“, рече Ковачевски.

Расправијата меѓу Ленин и Данела го оневозможи сообраќајот во главниот град

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Превртени кошеви и искршени седишта – институциите си префрлаат вина за руинираната спортска сала на УКИМ

Уште во далечната 2006 година на студентите при Универзитетот Св. Кирил и Методиј (УКИМ) им беше ветена најмодерна спортска сала, која дури по 11 години - во 2017, се...