Кина мора да продолжи да ја спроведува политиката на едно дете додека да стапат на сила новите правила што им дозволуваат на двојките да имаат две деца, порача кинеската државна комисија за национално здравје и за семејно планирање.
Владејачката Комунистичка партија минатата недела порача дека Пекинг ќе ја ублажи својата неколкудецениска политика на едно дете. Планот за промената мора да го одобри Сенародниот кинески конгрес за време на своето годишно заседание закажано за март.
Соопштението на државната комисија за национално здравје и за семејно планирање е спротивно на изјавата на претставникот на јужната покраина Хуан, кој минатата недела рече дека двојките што чекаат второ дете нема да бидат казнети.
– До ратификацијата, сите локални заедници мора да ги спроведуваат законите за семејно планирање и правилата што во моментот се на сила – соопшти претставник на државната комисија.
