Вилијам Шатнер „обземен од тага“ разговараше за неговото искуство од летот во вселената. Само еден ден откако се врати од патувањето со ракетата Blue Origin, Шатнер, се појави на Си-Ен-Ен за да разговара за незаборавното искуство од вселенското патување. Канадскиот 90-годишен актер, кој го знаеме по ликот на Капетан Џејмс Т. Кирк во легендарниот ТВ серијал „Ѕвездени Патеки“, откри дека патувањето било неверојатно „горчливо“.
„Посакувам да имам подобри вести и повеќе забава и шеги за да ви кажам, но ме плачеше тоа што го видов“, рече Шатнер.
„Се враќам исполнет и исполнет со тага и емпатија за оваа прекрасна работа што ја нарекуваме Земја“, изјави тој.
Полн со емоции, Шатнер зборуваше за тоа како патувањето влијаело врз неговиот поглед врз човештвото. Тој ја истакна важноста од спроведување почисти деловни практики за да се намали влијанието на климатските промени.
„Ние сме во пресвртница, немаме време да чекаме 30 години и да се расправаме за неколку милијарди долари. Закопување на главата во песок за уште еден момент во врска со глобалното затоплување и уништување на планетата е самоубиство за сите нас“, рече Шатнер.
Тој, исто така, предупреди дека ако не направиме нешто во врска со индустриското загадување, ние не само што ќе ги лишиме природните ресурси на планетата, туку и ќе ја одземеме од иднината.
„Она што е трагично е ако нашите деца, особено децата на нашите деца, немаат шанса да бидат дел од оваа прекрасна работа што ја нарекуваме Земја… и тоа е само тажно“, рече Шатнер, пренесе Скај Њуз.
„Ја имаме целата технологија, ракети, за да ги испратиме работите таму… Можете да изградите база 250, 280 милји над Земјата и да ја испратите таа моќ тука, и тие ќе ја фатат, и потоа ќе ја користат, и таа е таму“, продолжи тој.
Тој додаде дека летот го доживеал како потсетник на многу важни одлуки.
„Секој во својот живот треба да се потсети, вие сте важни, вие сте убави, направете нешто важно денес и тоа ми го направи тоа патување. Ме потсети на смртта со која се соочувам поради мојата возраст, но и како да ве заштитам вас во наредните години и моите деца и децата на моите деца“, рече Шатнер.
