Новата анализа на британската организација „Џубили депт кемпејн“ (Jubilee Debt Campaign), покажува дека Македонија е вброена меѓу државите со висока задолженост.
Според овој извештај, овие високо задолжени држави се во опасна зона поради долгот. Тоа би значело дека при економска криза или, пак, неочекуван скок на каматните стапки, на долг рок може да се случи економска катастрофа.
Извештајот посочува дека преголемите долгови можат да ја направат ранлива економијата на државата на одредени пазарни промени.
Ниските каматни стапки ги тераат владите, комапниите и потрошувачите на ново прекумерно задолжување што би претставувало потенцијален проблем во иднина.
Според последниот извештај на Народната банка (НБРМ), надворешниот бруто-долг е 6,1 милијарди евра или 68,68 отсто од домашниот бруто-производ (БДП).
