Најмалку 131 лице во Јемен се убиени при воздушен напад на коалицијата, предводена од Саудиска Арабија, јавуваат светските медиуми.
Коалицијата, чија мета биле шиитските бунтовници, по грешка од воздух нападнала свадба во селото Ел Вахга, во близина на морскиот теснец Баб ел Мандеб. Меѓу жртвите има најмалку 80 жени.
Генералниот секретар на ОН, Бан Ки-мун, ги осуди нападите во Јемен повикувајќи ги учесниците во судирите „во и надвор од земјата веднаш да ги запрат сите воени активности“.
ОН проценува дека најмалку 2.100 цивили се убиени во судирите во Јемен.