Очекувам и овие избори, како и сите досегашни, да покажат зрелост кај граѓаните и да покажат дека напредуваме и ја збогатуваме демократијата и понудата за граѓаните, порача претседателот на Република Македонија, Ѓорге Иванов, по гласањето на избирачко место во гимназијата „Јосип Броз – Тито“ во Скопје.
Тој изрази очекување дека изборите ќе минат во мирна, демократска и фер атмосфера.
– Денеска, кога се избира локалната власт, граѓаните може да ги изберат тие што за време на изборните кампањи им понудиле дека ќе им го подобрат животот и условите за живот, бидејќи реалниот живот секојпат е на локално ниво и граѓаните очекуваат тие што ќе ги изберат, да им го подобрат квалитетот на животот – рече Иванов.