Италијанската морнарица спасила околу 50 мигранти кои со чамец испловиле од брегот на Либија, а се стравува дека во морето исчезнале уште толку лица, јавуваат италијанските медиуми.
Морнарицата соопштила дека еден од нејзините бродови спасил луѓе во гумен чамец и оти мигрантите со патролен брод се предадени на крајбрежната стража.
Преживеаните соопштиле дека со нив имало уште околу 50 лица пред бродот да се дупне.
Портпаролот на крајбрежната стража изјави дека спасените мигранти се префрлени на сицилискиот остров Лампедуза.
