Пет ракети утрово биле испукани од автомобил во правец на меѓународниот аеродром во Кабул, главниот град на Авганистан, но биле навремено уништени од системите за ракетна одбрана на САД, јави Би-Би-Си.
Белата Куќа го потврдила нападот, но рекла дека и покрај него, ќе продолжи евакуацијата од Кабул без посебни измени.
Авганистански медиуми објавија дека пет ракети биле испалени од автомобил во правец на меѓународниот аеродром, а подоцна претставник на власта на САД за „Ројтерс“ изјави дека ракетната одбрана ги пресретнала ракетите. Еден локален медиум од Кабул објави видео на кое се гледа како час се крева над Кабул и потоа и еден запален автомобил.
کابل – گواهان رویداد میگویند چندین موشک با استفاده از یک موتر از منطقه خیرخانه به سمت فرودگاه کابل شلیک شده اند.
تاهنوز از تلفات و خسارات جزییات در دست نیست.#ArianaNews pic.twitter.com/3mKXLsV3Eg
— Ariana News (@ArianaNews_) August 30, 2021
Засега нема пријави за повредени или загинати.
Вчера САД со дрон интервенираа за да спречат, како што се нагласува, напад на аеродромот. Цел било едно возило, а покрај еден загинат во возилото, САД ги истражуваат пријавите за цивилни жртви настрадани од експлозивот во возилото. американски медиуми, пак, јавија за девет члена на семејство, вклучувајќи и деца, што загинале во нападот од дронот.
Минатата седмица повеќе од 100 Авганистанци и 13 војници на САд загинаа во два напади на бомбаши-самоубијци кај аеродромот. Одговорноста за нападите ја презеде локално крило на Исламска држава.
