fbpx

И случајот „Топлик“ на Миле Јанакиески замина во историјата со измените во Кривичниот законик

Со одлуката на Апелација, шестмината кои првостепено беа осудени за „Топлик“, на повтореното судење ќе бидат ослободени, бидејќи делата им застареа уште во февруари годинава

-

Точно седум години откако беше отворена истрагата за предметот „Топлик“, Апелациониот суд во Скопје ја укина пресудата, а со тоа предметот поврзан со Сончев Град доби апсолутна застареност, согласно новите измени во Кривичниот законик.

Со одлуката на Апелација, шестмината кои првостепено беа осудени за „Топлик“, на повтореното судење ќе бидат ослободени, бидејќи делата им застареа уште во февруари годинава. Со стариот Кривичен законик, делата застаруваа за 40 години, а со новите измени – за 10, со што практично застаруваат сите дела направени пред 2013 година.

Првообвинет за случајот „Топлик“ беше ексминистерот за транспорт врски, Миле Јанакиески.

Предметот се однесува на продажба на градежно земјиште за изградба на резиденцијалната населба Сончев Град во Сопиште. Делото злоупотреба на службената положба и овластувањето за кое се товареа Јанакиески и уште петмина обвинети е сторено од 3 април 2007 до 18 февруари 2013, што значи дека апсолутна застареност настапила во февруари 2023 година.

Со новите измени во Кривичниот законик вчера застаре и делото за масовното прислушување „Таргет Тврдина“.

СДСМ го отвори предметот, СДСМ и неславно го затвори скандалот со масовното прислушување

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Од денеска граѓаните на Македонија, Србија и Албанија со слободен пристап до пазарот на трудот во „Отворен Балкан“

Граѓаните на Македонија, Србија и Албанија од денеска можат да ја користат мерката Слободен пристап до пазарот на трудот во рамки на „Отворен Балкан“, соопштија од Владата. Мерката произлегува од...