Поранешниот пратеник Хисни Шаќири вели дека денешната акција на МВР, поврзана со помагачите на терористите од Диво Насеље, не им оди во прилог на меѓуетничките односи.
– Власта секогаш, за да ги покрие коруптивните афери, организираниот криминал и слично, организира полициски акции. Само, не ми е јасно, зошто секогаш жртви се Албанците. Треба да сме свесни да не паднеме на провокации и да не станеме жртви на неуспесите на оваа влада. Албанците не треба да бидат жртви на монтираните процеси, Албанците сакаат само мир и безбедност во Македонија – вели Шаќири.