Претседателот на Европската комисија, Жан-Клод Јункер, денеска вети дека ќе работи на постигнување нови праведни услови за Велика Британија, но и го предупреди нејзиниот премиер, Дејвид Камерон, да ги почитува интересите на Европа, затоа што за „танго се потребни двајца“.

Јункер денеска ќе се сретне со Камерон на ручек во пресрет на самитот на ЕУ, а во говорот пред Европскиот парламент повтори дека сака „праведен договор со Велика Британија“.

– Не можам да кажам дека е остварен голем напредок, но ниту дека не е постигнато ништо. За танго се потребни двајца – изјави Јункер.
Изјавата на Јункер доаѓа по неколкунеделните разговори меѓу британските и претставниците на ЕУ, насочени кон договарање рамка за политички преговори.

– Јас не сум особено добар танчер, но барем ги знам правилата што треба да ги почитуваат и другите. За танго се потребни двајца да танцуваат, мораме ние, но и нашите британски пријатели – додаде Јункер.