„На 20 јули ќе има состанок на Советот за асоцијација во Брисел, на кој ќе учествуваат високиот претставник и јас, од една страна, и Владата од друга страна, и се надевам и барам од сите страни да постигнат договор дотогаш. Ќе се расправа за извештајот за напредокот на земјата, кој ќе биде објавен наесен. Тоа е важно за европската перспектива, но не треба да се заборави и атланската перспектива на земјата во овие тешки времиња и сите треба да бидат свесни за тоа“, вели еврокомесарот за проширување, Јоханес Хан, во интервју за „Радио Слободна Европа“.
– Според договорот од 2 јуни, сите партии, вклучително и албанските, се согласија на 19 јуни дека земјата им е важна, а не личните интереси и треба да ја преземат одговорноста за земјата. Економската ситуација се влошува. Очекуваниот економски пораст од четири проценти сега е најмалку нула, ако не е и под нулата. Невработеноста е речиси 30 проценти. Сите инвестициски одлуки на странските компании се на чекање. Мислам дека повеќе од 30 одлуки се ставени на чекање. Тука е и миграциското прашање кое кажува дека земјата многу треба да направи – вели Хан.
Тој додава дека во демократијата мора да постои компромис.
– И тоа значи дека двете страни се приближиле една кон друга. Многу е важно и двете страни да ја имаат предвид и тешката политичка и економска ситуација во земјата, како и тоа дека евро-атлантската перспектива треба да ја одржат жива – изјави Хан во интервјуто за РСЕ.