Премиерот Никола Груевски денеска оствари средба со првиот потпретседател на Владата на Србија и министер за надворешни работи, Ивица Дачиќ, кој е во посета на Македонија како претседавач на ОБСЕ.
На средбата присуствуваше и министерот за надворешни работи, Никола Попоски, a се разговарало за главните приоритети на ОБСЕ за време на српското претседателство.
– ОБСЕ е организација која се занимава со три димензии: военополитичката и безбедносната, втората е економска и третата се однесува на прашањата за човековите права и за демократските институции, прашања на националните малцинства, за дискриминација итн. Многу е важно да се следи имплементацијата на она што е направено и што треба да се направи во однос на имплементацијата на Охридскиот договор. ОБСЕ е подготвена да понуди своја добра волја да посредува особено во овие политички прашања доколку, се разбира, постои такво прашање и потреба за тоа од земјата-домаќин – изјави Дачиќ по средбата со премиерот Никола Груевски.
Фотографијата е превземена од „Твитер“ профилот на Нкола Попоски