Македонски камионџија вчера на граничниот премин Богородица пријавил дека грчки цариник со спреј му ја оштетил задната регистерска табличка и ознаката „МК“ на товарното возило, соопшти Министерството за внатрешни работи (МВР).
Според МВР, додека возачот на камионот службено бил на солунското пристаниште, при извршувањето на царинските формалности, службеник на грчката царина со син спреј ја испрскал задната регистарска табличка на полуприколката на возилото и целосно ја покрил ознаката „МК“.
Случајот не бил пријавен во грчката полиција. Според МВР, во текот на оваа година на преминот Богородица биле евидентирани 14 случаи на оштетување на возила или регистарски таблички, сопственост на македонски државјани кои биле во Грција.