Зголеменото полициско обезбедување не ги спречи граѓаните, кои осми ден протестираат, да се доближат и денеска до Собранието на Република Македонија. Тие од пред Специјалното јавно обвинителство (СЈО) пристигнаа пред Собранието, повикувајќи ја полицијата да им се придружи, а движејќи се по маршрутата извикуваа: Оставка, оставка“, „Нема правда, нема мир“, „Никола на робија“, „Мафијшка држава“, „Николче диктаторче“…
#ШаренатаРеволуција пред #СЈО pic.twitter.com/f4w6k7RS5R
— META.mk (@meta_agency) April 20, 2016
Еден од демонстрантите во името на целата група што протестира рече дека преговори во овие услови се невозможни. Тој уште еднаш ги повтори барањата на граѓаните: повлекување на одлуката за аболиција од претседателот Иванов и негова итна и неотповиклива оставка, Уставниот суд да се произнесе за уставноста на Специјалното јавно обвинителство, да се формира специјално одделение во Кривичниот суд за случаите за кои е надлежно СЈО, да се повлече одлуката за избори на 5 јуни, да се вклучат независни претставници во процесот на решавање на политичката криза и преговорите да се одвиваат на територија на Република Македонија.
Тие бараат и преодна влада, која ќе ги имплементира забелешките од Рајнхард Прибе.
И денеска, точно во 18 часот, граѓаните ја блокираа улицата пред СЈО и го почнаа протестот против одлуката на претседателот Ѓорге Иванов да помилува 56 политичари од судски процеси.
Демонстрантите се движат кон Собрание pic.twitter.com/S6D7RTuqLY
— META.mk (@meta_agency) April 20, 2016
Од пред Собранието на Република Македонија, според практиката, протестот ќе продолжи кон Владата на Република Македонија.
Демонстрантите ја повикуваат полицијата да им се приклучи #Протестирам #ШаренатаРеволуција pic.twitter.com/njpvakbX4P
— META.mk (@meta_agency) April 20, 2016
