Кочанската полиција поднела кривична пријава против 42-годишен жител на градот за недозволено држење и тргување со оружје и распрскувачки материи, информираат од МВР.
Според полицијата, осомничениот Ф.Ј. на 25 октомври минатата година, во кочанската полиција пријавил дека неговиот брат Е.Ј. дома неовластено чувал четири бомби и два пиштоли. Полицијата извршила претрес и пронашла хемиска рачна бомба, а по извршениот разговор, било утврдено дека бомбата била на осомничениот. Како што информираат од полицијата, по расправија помеѓу браќата, Е.Ј. му ја зел бомбата на Ф.Ј. и ја чувал кај себе.
Оттаму соопштуваат дека осомничениот ја набавил бомбата кон крајот на август минатата година, од кочанец кој, наводно, ја пронашол во контејнер.
Против Ф.Ј. е покрената кривична пријава за лажно пријавување кривично дело.