Aмбасадата на Германија во Република Македонија им порача на политичките партии дека е неприфатливо да се пробиваат роковите предвидени со Договорот од Пржино.
„Германската амбасада е многу разочарана и мошне загрижена во врска со пробивањето на роковите, договорени меѓу четирите политички партии, за постигнување договор за амандманите на Изборниот законик и затоа што досега не е постигнат никаков договор. Изгубени се два дена од рокот до 6 октомври. Понатамошното одлагање во работата на работните групи е неприфатливо“, стои во соопштението.
Амбасадата ги повика потписниците на Договорот што е можно побргу да постигнат консензус.
„Амбасада апелира до сите политички партии да постигнат договор што е можно побргу, бидејќи им претстојат други сериозни прашања на политичките партии за решавање, во согласност со договорените рокови до 20 октомври“, стои во соопштението.
