Најмалку две лица загинаа, а двајца се потешко повредени во верижен судир на повеќе од 50 возила во тунелот Витинија, на автопатот Софија – Варна.
Во судирот кој се случил попладнето, учествувале патнички и товарни возила, наведува бугарската полиција.
На местото на несреќата дошле девет возила на брза помош, а се очекува бројот на повредените да биде далеку поголем.
Причините за несреќата не се познати, а местото го обезбедува полиција.
Заради сообраќајната несреќа, на патот Софија – Варна, формирана е колона на возила од 4 километри.