Германија ќе почне да ги враќа во Грција новопристигнатите баратели на азил, потврди грчкиот министер за миграција, Јанис Музалас.
Музалас за телевизиската станица АРД изјави дека грчките власти примиле 392 барања и одбриле враќање на баратели на азил од Германија и од другите земји на ЕУ.
– Имаше притисок од неколку земји на ЕУ врз Грција да прифати враќање на баратели на азил. Разбирам дека властите на ЕУ сакаат да покажат некакви резултати пред своите избирачи – изјави Музалас.
Германија ја запре депортацијата на мигрантите во Грција по одлуката на Уставниот суд во 2011 година.
Во 2015 година Германија прими повеќе од 800.000 мигранти. Предвидено е во Грција да се вратат само мигрантите што стигнале во Германија од средината на март 2017 година.
