Европејците им посакуваат добредојде на бегалците. Во голем број европски градови денеска се одбележува Денот на акцијата, ден за изразување солидарност со илјадниците бегалци.
Вакви настани имаше во Лондон, Берлин, Виена, Даблин, Лисабон, Атина, Ница.
„Време е да прозбориме против смртоносните граници кренати во наше име. Сакаме да ја покажеме, заедно со илјадниците други луѓе во Европа, својата солидарност со тие што бегаат од војна, насилства и од деструкција. Сакаме да им порачаме на сите бегалци „Добредојдени сте“, пишува во повикот за собир, објавен на фејсбук-страницата „Европски ден на акција за бегалците“.
