Министрите за надворешни работи на ЕУ се согласија за уште шест месеци да ги продолжат санкциите кон Русија, поради окупацијата и илегалната анексија на украинскиот полуостров Крим и поради поддржување на проруските сепаратисти на истокот на Украина.
Конечната одлука ќе биде донесена на претстојниот самит на лидерите на ЕУ, кој следната недела ќе се одржи во Брисел.
Германската канцеларка Ангела Меркел е за продолжување на санкциите кои истекуваат кон крајот на јули.
Според одредени извештаи, Меркел го уверила земјите, како што се Словачка, Унгарија и Италија, да ги занемарат своите забелешки и да ги продолжат санкциите до јануари.
Санкциите се однесуваат на финансискиот и на енергетскиот сектор на Русија, а стапија на сила во јули 2014 година и оттогаш се продолжуваат на секои шест месеци.
