Амбасадорите на Европската унија и на САД денеска треба да ја објават процената на меѓународната заедница дали се исполнети условите за да се одржат предвремените парламентарни избори на 24 април, како што е предвидено со Договорот од Пржино.
Вчера измина и последниот рок за политичките партии да постигнат договор за реформата на медиумите, но средбата која почна попладне, заврши доцна вечерта без успех.
Како што рече белгискиот олеснувач Питер Ванхауте, неуспехот на партиите да постигнат договор за медиумите ќе влијае на оцената што амбасадорите на Европската унија и на САД во земјава треба да ја соопштат денеска.
