Турскиот претседател, Реџеп Таип Ердоган, денеска изјави дека ќе причекаат до крајот на годината за да видат дали има напредок во преговорите за приклучување кон ЕУ или ќе распишат референдум за членството во европското семејство.
– Мора да одлучите веднаш… Имаме трпение до крајот на годинава, а потоа ќе одлучи народот – рече Ердоган.
Тој ја осуди изјавата на претседателот на Европскиот парламент, Мартин Шулц, кој рече дека ЕУ би можела да воведе санкции кон Турција. Исто така, ги осуди членките на ЕУ кои го дозволуваат дејствувањето на Курдската работничка партија на своја територија.
Во меѓувреме, портпаролот на владата, Нуман Куртулмуш, рече дека извештајот на ЕУ за напредокот на Турција е „пристрасен и непријателски“.
