Турскиот претседател, Реџеп Таип Ердоган, изјави дека има докази дека коалициските сили предводени од САД даваат поддршка на терористички групи во Сирија.
– Тие нè обвинуваат дека ја поддржуваме Исламска држава, а сега тие им даваат поддршка на терористички групи, вклучувајќи ја и Исламска држава и курдските екстремистички групи – рече Ердоган на прес-конференција во Анкара.
Тој истакна дека сега сè е јасно, особено зашто поседуваат цврсти докази за тврдењата.
– Имаме потврдени докази со фотографии и со видеоснимки – рече Ердоган.
Изјавата на Ердоган доаѓа откако Москва го обвини Вашингтон дека го „спонзорира тероризмот“ во Сирија.
