Вчера биле приведени две лица за два посебни случаи на предизвикување пожари. Едниот случај бил во струшкото село Велешта, а другиот во близина на Прилеп, пренесува Министерството за внатрешни работи (МВР).
Вчера во 17.40 часот на локалниот пат с. Велешта кон с. Октиси, 38-годишното лице М.В. од с. Велешта, струшко бил лишен од слбода. Тој предизвикал пожар во атарот на селото. Пожарот бил изгаснат од страна на Територијалната противпожарна единица Струга.
Вчера во 11.35 часот, пак, 77-годишното лице П.П. од Прилеп бил лишен од слобода поради предизвикување пожар. Околу 11 часот било пријавено дека настанал пожар на површина од околу 300 метри квадратни во близина на Прилеп. Лицето П.П. во дворот на својата викендичка во две метални буриња запалил непотребни предмети и ѓубре, по што огнот се проширил наоколу. Пожарот е локализиран од страна на Територијалната против пожарна единица Прилеп, а повредени лица нема. По документирање на настанот, против сторителот ќе следува кривична пријава.
