Двајца велешани се осомничени дека на почетокот од минатиот месец од основото училиште „Кирил и Методиј“ украле 61 мини-лаптоп, соопшти полицијата.
Секторот за внатрешни работи Велес, против осомничените В.П. (23) и М.Ѓ. (21) поднел кривична пријава, со која ги товари за тешка кражба.
Според полициските информации, осомничените, ноќта меѓу 6 и 7 септември, успеале да провалат во основното училиште, отворајќи ја влезната врата, а потоа се качиле на горниот кат и од две училници ги зеле компјутерите и опремата за нив.
Украдените компјутери ги сокриле во стан во градот и планирале да ги продадат. По добиени информации за осомничните, полицијата на 16 септември ги нашла и ги одзела компјутерите, кои биле вратени на основното училиште.