Амбасадорот на САД во Македонија, Џес Бејли, на својот твитер-профил објави дека е загрижен затоа што лидерите на политичките партии вчера не постигнаа договор на лидерската средба на која присуствуваше и еврокомесарот за проширување и соседска политика, Јоханес Хан.

„Длабоко сум загрижен за неможноста лидерите да постигнат договор. Договорите од Пржино се начин да се осигура одговорност, да се подобрат условите за слободни и фер избори и да се стави крај на македонската политичка криза. Потребна е политичка волја за справување со преостанатите прашања“, твитна Бејли.