Од ДУИ сметаат дека разрешување на заменик-директорот на Агенцијата за разузнавање, Мухамед Исмаили, е непринципиелен чекор. Од партијата соопштуваат дека оваа одлука ја одразува кризата на легитимитет што ја има претседателот и ја засилува нивната идеја за консензуален претседател.
„За ДУИ, оваа одлука, исто како и одлуката за именување членови на Советот за национална безбедност пред неколку месеци, ја одразува кризата на легитимитет на претседателот Иванов. Многу е јасно дека разрешувањето на Мухамед Исмаили е направено единствено од политички мотиви, а не од професионални причини. Поради тоа, овој акт заслужува осуда. ДУИ, која и понатаму Иванов го смета за нелегитимен за Албанците, смета дека институцијата Претседател не смее да служи за расчистување сметки со ниедна албанска политичка сила, а уште помалку со партија која ги ужива легитимитетот и довербата на мнозинството Албанци“, пишува во реакцијата од ДУИ.
