ВМРО-ДПМНЕ и Коалицијата за подобра Македонија освоиле 444.014 гласови, СДСМ и Коалицијата за живот во Македонија – 428.683, ДУИ – 85.774, Движењето Беса – 57.749, Алијанса за Албанците – 35.103 и ДПА – 30.971 глас, соопшти претседателот на ДИК, Александар Чичаковски, рано изутрината на прес-конференција, по обработени 99,34 отсто од гласовите.
ДИК соопшти дека во текот на денот ќе излезат со првичните резултати од гласањето на предвремените парламентарни избори и дека тогаш комисијата ќе се произнесе со оценка за изборниот процес.
До ДИК немало пристигнато приговори во врска со гласањето.
Оттаму не дадоа првични и прелиминарни резултати за распределбата на мандати (пратеници), туку најавија дека за тоа ќе известат во текот на денот бидејќи има уште мал процент на гласови кои треба да се добројат.