Интернационалниот „Цспс џез ансамбл“ ќе одржи концерт во Сули- ан, Факултет за ликовни уметности, вечерва од 20.30 часот во рамки на „Скопско лето“.
Во него членуваат: Дејв Вилсон од САД (баритон-саксофон), Стелиос Цаѕиклеас од Грција (труба) и македонските музичари Кирил Кузманов (алт-саксофон), Иван Иванов (тенор-саксофон), Бојан Петков (гитара) Кирил Туфекчиевски (контрабас) и Ратко Даутовски (перкусии).
– И покрај тоа што станува збор за релативно млади музичари, тие во изминатите години активно работат на своите кариери свирејќи во различни џез-состави, честопати работејќи и на заеднички проекти. За во овој проект ги споија своите интересни музички идеи и енергии, создавајќи автентичен модерен џез-материјал кој вклучува претежно авторска музика, но и дела кои досега не биле изведени пред македонската публика – велат од организацијата на фестивалот.
