Безживотно тело на дете вчера попладне било извадено од водите на реката Вардар, во непосредна близина на улицата Кеј 13 Ноември во центарот на Скопје, информира полицијата.
Телото на детето било забалежано околу 13.30 часот, по што увидна екипа на Секторот за внатрешни работи Скопје, веднаш излегла на местото. Лекар од екипата на Итната медицинска помош, според полицијата, констатирал дека смртта настанала како последица од давење во реката.
Како што информираат од МВР, станува збор за дете кое претходно било пријавено за исчезнато од Центарот за бездомници.
По наредба на Јавен обвинител, телото е предадено во Институтот за судска медицина, за обдукција.