Бунтовниците денеска испукале десетина ракети на централниот дел на Дамаск, во пресрет на посетата на шефот на иранската дипломатија, објавија активистите и сириските државни медиуми.
Во бомбардирањето загина најмалку едно лице, а повредени се 20, соопшти Сириската опсерваторија за човекови права со седиште во Лондон.
Иранскиот министер за надворешни работи, Мохамед Џевад Зариф, треба денеска од Бејрут да пристигне во Дамаск, јавуваат иранските државни медиуми.
Портпаролот на иранското МНР соопшти дека за време на посетата на министерот ќе стане збор и за новиот договор за ставање крај на војната во Сирија.
Иран е клучниот сојузник на сирискиот претседател Башар ел Асад во четиригодишната војна во земјата.
