Во Македонија времето денеска ќе биде умерено облачно со слаб до умерен северозападен ветер, кој долж Повардарието ќе се засилува.
Кон крајот на денот и утре претпладне ќе има локални врнежи претежно од снег, кои повеќе ќе бидат застапени во западните делови. Температурата ќе се движи од 3 до 11 Целзиусови степени.
Во Скопје ќе биде облачно со слаб до умерен северозападен ветер. Максималната дневна температура во Скопје ќе достигне до 7 степени.
Утре времето ќе биде променливо облачно и постудено, претпладне со врнежи претежно од снег и дневна температура од 3 до 9 Целзиусови степени.
В петок и сабота ќе биде сончево со мала до умерена облачност и со слаб до умерен јужен ветер и дневни температури од 6 до 13 степени.