Со разгледување на предлог-законот за изменување и за дополнување на Законот за шумарска и ловна инспекција, во прво читање, Собранието на Република Македонија денеска ќе ја продолжи 35. седница.
На дневен ред на оваа седница, меѓу другите, се и предлог-законот за дополнување на Законот за Државниот инспекторат за земјоделство, предлог-закон за изменување и за дополнување на Законот за шумите и предлог-законот за дополнување на Законот за ловството, сите во прво читање.
Пратениците треба да расправаат и за предлог-законот за изменување и за дополнување на Законот за работните односи, предлог-законот за изменување и за дополнување на Законот за инспекцијата на труд, предлог-законот за изменување и за дополнување на Законот за превенција, спречување и заштита од семејно насилство, исто така, во прво читање.
Собранието треба да ги разгледа и предлог-законите за изменување и за дополнување на Законот за просветната инспекција, на Законот за животната средина и на Законот за комунални дејности.
