Времето во Македонија денеска ќе биде сончево со мала до умерена локална облачност и малку потопло од вчера. Ќе дува слаб до умерен ветер од северен правец, вели прогнозата на УХМР.
Утринската температура се движеше од -3 до 4 Целзиусови степени, а дневната ќе изнесува меѓу 15 и 21 степен. Највисоки температури се очекуваат во Повардарието, додека во крајните источни и западни краишта на земјава просечните температури ќе бида тпониски.
Во Скопје слично време, сончево со мала до умерена локална облачност. Температурата ќе се искачи до најмногу 20 степени.
Во наредните денови дневната температура ќе биде во постепен пораст. Утре ќе се движи меѓу 16 и 23 Целзиусови степени, а во вторник од 19 до 24 степени.
