Висока француска делегација од регионот Алзас ќе престојува во Македонија од 19 до 22 јуни, заради промоција на Алзашкиот Регион и унапредување на економската соработка.
Делегацијата ќе биде предводена од директорот на Агенцијата за промоција на регионот Алзас, Филип Шукрун. Во состав на делегацијата ќе бидат советници, економски промотори и претставници на здруженија, како и познати готвачи и слаткари, кои ќе го промовираат овој регион, особено на економски, туристички и на гастрономски план.
Делегацијата ќе се сретне со Ана Блажеска, државниот секретар во Секретаријатот за европски прашања, Бранко Азески, директорот на Стопанската комора на Македонија, Данела Арсовска, претседателка на Сојузот на стопански комори на Македонија, и со Ширет Елези, министерката за локална самоуправа.
