Во Собранието на Република Македонија денеска седници ќе одржат Комисијата за европски прашања, Националниот совет за евроинтеграции, Комисијата за транспорт, врски и екологија и Законодавно-правната комисија.
На дневен ред на Комисијата за европски прашања и на Националниот совет за евроинтеграции се Националната програма за усвојување на правото на Европската унија, (НПАА), ревизија 2015-2017 година, и Наративен преглед на степен на реализација на НПАА, ревизија 2014 за четврти квартал (1 октомври 2014 – 31 декември 2014 година).
Комисијата за транспорт, врски и екологија ќе ги разгледа предлог-законот за изменување и за дополнување на Законот за продажба и давање под закуп на деловните згради и деловните простории на Република Македонија во прво читање, предлог-одлуката за одобрување на Годишната програма за работа и развој на Агенцијата за регулирање на железничкиот сектор за 2015 година, предлог-законот за прогласување на локалитетот парк-шума Гази Баба за парк на природата во второ читање, поднесен од пратениците Олга Најденовска, Талат Џафери, Илија Димовски, Светлана Јакимовска, Александар Николоски, предлог-одлука за одобрување на финансискиот план на Македонската радио-телевизија за 2015 година, предлог-закон за изменување и за дополнување на Законот за управување со отпадот во прво читање и Годишната програма за работа на Агенцијата за пошти за 2015 година.
На дневен ред на Законодавно-правна комисија се предлог-закон за изменување и за дополнување на Законот за продажба и давање под закуп на деловните згради и деловните простории на Република Македонија во прво читање, предлог-законот за изменување и за дополнување на Законот за царинската тарифа во второ читање, предлог-законите за водостопанство, за дополнување на Законот за земјоделски задруги, за изменување на Законот за хидрометеролошка дејност, во прво читање.
Во второ читање е предлог-закон за изменување на Законот за шумите поднесен од Илија Димовски, Талат Џафери, Марјанчо Колевски, Соња Талевска, предлог-закон за дополнување на Законот за иновациската дејност и предлог-закон за прогласување на локалитетот парк-шума Гази Баба за парк на природата.
Законодавно-правната комисија ќе ги разгледа и предлог-законот за дополнување на Законот за техничката инспекција, предлог-законот за изменување и за дополнување на Законот за Државен пазарен инспекторат, предлог-закон за дополнување на Законот за санитарната и здравствената инспекција, предлог-законот за изменување и за дополнување на Законот за управување со отпадот, предлог-законот за изменување и за дополнување на Законот за пријавување на живеалиштето и престојувалиштето на граѓаните, предлог-закон за изменување и за дополнување на Законот за личната карта, сите во прво читање.
На дневен ред на оваа седница се и повеќе барања за автентично толкување на членови од закони.
