fbpx

Бугарија го проширува депото за гас во Чирен, и Македонија заинтересирана за капацитетот

-

Булгартрансгаз, државниот оператор за гас на Бугарија, денеска потпиша договор за проширување на депото за гас кај Чирен, на 90-тина километри северно од Софија, и се очекува зафатот да биде готов за отприлика две години, јави бугарскиот онлајн-медиум mediapool.bg.

Според Владимир Малинов, извршниот директор на Булгартрансгаз, капацитетот од сегашните 550 милиони кубни метри ќе се зголеми на милијарда кубни метри, а интерес за резервација на дел од новите капацитети искажале и Северна Македонија и Грција.

Со реконструкцијата и проширувањето ќе се изврши и замена на советската технологија со западна технологија, а ќе се овозможи многу побрзо преминување на режим од впумпување во режим на испумпување, за да може бргу да се реагира при потреба од внесување гас набавен по поволни цени.

Овој зафат што ќе чини речиси 310 милиони евра е дел од напорите на ЕУ за оттргнување од рускиот гас.

Северна Македонија би ги користела капацитетите во Чирен преку интерконекторниот гасовод со Бугарија, која пак се повеќе се потпира на азербејџанскиот гас.

Изворmediapool.bg

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Клинички центар и детската болница во Козле една ноќ без вода, „Водовод“ ќе постави цистерни

Клиничкиот центар „Мајка Тереза“, Јавната здравствена установа Универзитетска клиника за респираторни заболувања кај децата Козле-Скопје, резиденцијалните објекти на Водно, како и дел од жителите од реон Водно и Козле...