Во продолжение ја пренесуваме проверката на „Вистиномер“ на исполнетост на изборно ветување на сегашниот градоначалник на општина Аеродром, Тимчо Муцунски:
Ветување: Бесплатното пливање за сите првачиња, почнувајќи од септември 2022 година
[Извор: Прес-конференција на градоначалникот Тимчо Муцунски; Датум: 20.01.2021 г.]
ОБРАЗЛОЖЕНИЕ:
Градоначалникот на Општина Аеродром, Тимчо Муцунски, во јануари на презентацијата на општинскиот Буџет за 2022 година, меѓу другото, вети и бесплатното пливање за сите првачиња од основните училишта во Аеродром, почнувајќи од септември оваа година. Ова ветување на Муцунски е исполнето.
Стартот на проектот „Учиме да пливаме“, во чии рамки e предвидено бесплатно пливање за првооделенците и сите деца со попреченост од основните училишта, Општина Аеродром го најави на крајот на минатиот месец. Од Општината тогаш информираа дека:
Со субвенционирањето, сите опфатени ученици добиваат: часови пливање, опрема за пливање (капа, наочари), пешкир, сертифициран спортски едукатор како и превоз на учениците од училиште до базенот и назад.
Проектот со кој најмладите треба да добијат соодветна обука за совладување на вештините за пливање, е изработен во соработка со Сојузот за училишен спорт на Општина Аеродром, а во реализација на „Скај велнес“.
Бесплатните часови по пливање за првачињата и децата со попреченост од основните училишта во Општина Аеродром започнаа на 19 септември. Според градоначалникот Муцунски, со овој проект се опфатени околу 1.000 деца
Информација и фотографии за тоа дека започна реализацијата на проектот „Учиме да пливаме“, се објавени на официјалната Фејсбук страница на Општина Аеродром и во повеќе медиуми. Градоначалникот Муцунски на официјалниот Фејсбук профил објави видео од овој настан.
ИЗВОРИ:
- Изборна програма на Тимчо Муцунски: За Аеродром гарантираме (25.10.2021) – [Проверено на: 21.09.2022]
- Скопје инфо (20.01.2022): Бесплатното пливање за сите првачиња од општина Аеродром од следната учебна година [Проверено на: 21.09.2022]
- Тајм.мк (20.09.2022): Градоначалникот Муцунски го презентираше буџетот за 2022 година [Проверено на: 21.09.2022]
- Официјална веб-страница на Општина Аеродром (20.01.2021) : ГРАДОНАЧАЛНИКОТ МУЦУНСКИ ГО ПРЕЗЕНТИРАШЕ БУЏЕТОТ ЗА 2022 ГОДИНА [Проверено на: 21.09.2022]
- Тајм.мк (29.08.2022): Бесплатно пливање за сите првачиња и деца со попреченост во Општина Аеродром [Проверено на: 21.09.2022]
- Официјална Фејсбук страница на Општина Аеродром (28.08.2022: Бесплатни часови пливање за сите првачиња и деца со попреченост од основните училишта! [Проверено на: 21.09.2022]
- Тајм.мк (19.09.2022): Првачињата и децата со попреченост од Општина Аеродром започнаа со бесплатно пливање [Проверено на: 21.09.2022]
- А1 ОН (9.09.2022): (Видео) Првачињата и децата со попреченост од Општина Аеродром започнаа со бесплатно пливање [Проверено на: 21.09.2022]
- Официјална Фејсбук страница на Општина Аеродром (20.09.2022): Бесплатно пливање на првачињата и лицата со попреченост [Проверено на: 21.09.2022]
- Официјален Фејсбук профил на градоначалникот Тимчо Муцунски (19.09.2022): Првачињата и децата со попреченост од Општина Аеродром започнаа со бесплатно пливање [Проверено на: 21.09.2022]
