Патнички авион на компанијата „Туркиш ерлајнс“ денеска принудно слета во Њу Делхи поради закана за бомба, соопштија индиските безбедносни служби.
Авионот летал од Бангкок кон Истанбул.
Индиската Национална безбедносна гарда е ставена на готовност поради дојавата за подметната бомба во авионот со 149 патници.
Авионот во моментов е во изолација на аеродромот, додека трае проверката на патниците и на нивниот багаж.
