АРМ по пет години ќе го достигне буџетот што го имаше од пред десет години (инфографик)

-

Македонија до 2024 година ќе го зголеми буџетот за одбрана на 2 отсто од бруто-домашниот производ за да ја исполни препораката од НАТО, усвоена на самитот во Кардиф, Велс во 2014 година, земјите членки во следните десет години да го достигнат тоа ниво на финансирање на одбраната. Но, со зголемувањето на буџетот на 2 отсто од БДП одбраната, всупност, ќе си ја врати стапката на буџет што ја имаше до пред десет години, покажуваат статистичките податоци.

Според податоците на Светската банка, Македонија од осамостојувањето до 2008 година секогаш за одбраната издвојувала околу 2 отсто од бруто-домашниот производ, освен во кризната 2001 година, кога одбранбениот буџет бил 6.1 отсто од БДП.

Од тогаш, буџетот на одбраната почна нагло да опаѓа, за по 2014 година да падне под 1 отсто од БДП, а дури годинава повторно да се искачи на 1.1 отсто.

Намалувањето на армискиот буџет предизвика низа последици во вооружените сили.

„Несоодветното финансирање во последната декада резултираше со негативно кумулативно влијание врз способностите и капацитетите на АРМ. Финансирањето во минатиот период беше едвај доволно за да се одржуваат средствата со кои располагаме, но не и да се опремуваме и модернизираме во согласност со планираното. Моменталната состојба во АРМ е одраз на недоволни инвестиции во одбраната во подолг временски период“, стои во Стратегисткиот одбранбен преглед, документ за оценка на состојбата и проекција за развој на одбраната, кој беше усвоен во јуни годинава.

Со преполовен буџет, Министерството за одбрана во минатата деценија трошело 69 отсто од буџетот за персоналот, околу 20 отсто за функционирање, одржување и за обука, и околу 11 отсто за опрема и модернизација. Стандардната структура на буџетот според параметрите на НАТО е до 50 отсто за персоналните трошоци, трошоците за операции, одржување и обука до 30 отсто и 20 отсто од буџетот за опремување и модернизација.

Постојаното постепено зголемување го најави министерката за одбрана Радмила Шекеринска Јанковска уште при усвојувањето на државниот буџет за оваа година.

– Посветени сме на зголемување на финансирањето во одбраната. Буџетот во 2018 година е за 14 отсто поголем од претходната година. Во текот на следните три фискални години (2019, 2020 и 2021), буџетот на одбраната ќе се зголемува за по 0,2 отсто од БДП, со намера да се исполни препораката на НАТО од 2 отсто од БДП до 2024 година – најави министерката.

foto brit emb foto uk gov Овој текст е подготвен во рамките  на проектот „Поддршка на демократските вредности и промени во општеството преку новинарството“ финансистан од Владата на Обединетото Кралство, со поддршка на Британската амбасада во Скопје. Мислењата и ставовите наведени во оваа содржина не ги одразуваат секогаш мислењата и ставовите на Британската амбасада/Британската Влада.

 

Плејада од измешани симптоми на вируси и грип ги полнат лекарските ординации

Висока температура која трае со денови, без други клинички симптоми, а потоа болки во телото, малаксаност, главоболки, па и вртоглавици, кои траат и до четири недели, се причината поради која мноштво...

ЕФЦСН: Чекор кон побезбеден информациски простор во Европа

Европската мрежа за стандарди на проверката на факти (ЕФЦСН) ја поздравува конверзијата на Кодексот за практика за дезинформации на ЕУ во Кодекс на однесување согласно Законот за дигитални услуги (DSA). Според...

Федерален судија ѝ нареди на администрацијата на Трамп да ги „одмрзне“ средствата за стотици организации

Федерален судија ѝ нареди администрацијата на претседателот на САД, Доналд Трамп, да ги „одмрзне“ средствата за стотици странски организации кои тврдат дека биле негативно погодени од 90-дневното целосно замрзнување, објави Ројтерс. Оваа...

„Мечиња за дечиња“ – уметничка акција за заштита на личните податоци и за лажни вести

Уметничката акција „Дечиња за мечиња“ беше изведена денеска, петок, 14 февруари, во трговскиот центар Бисер во населбата Аеродром. Акцијата на уметницата Маја Танева и Центарот за современи уметности е посветена на...

Плејада од измешани симптоми на вируси и грип ги полнат лекарските ординации

Висока температура која трае со денови, без други клинички симптоми, а потоа болки во телото, малаксаност, главоболки, па и вртоглавици, кои траат и до четири недели, се причината поради...