Укажуваме дека постои реална можност за намалување на цената на струјата – не во промили, туку за десетици проценти, бидејки од лани е падната цената на електричната енергија на регионалните берзи и граѓаните веќе со месеци плаќаат поскапа струја, вели Митко Андреевски, претседател на Комисијата за енергетика на СДСМ.
Според него, со денешната одлука, Регулаторната комисија за енергетика повторно ги штити бизнисите на трите енергетски компании и нивните соработници и дозволува граѓаните да плаќаат скапа струја.
– Досега апелиравме, денеска порачуваме ќе има ревизија на денешната одлука на Регулаторната комисија! Ќе има ревизии и на сите претходни одлуки поради кои во изминатите 10 години цената на струјата е зголемена за речиси 100 проценти! Ќе дознаат сите кои фактори влијаеле за формирање на ваква цена на електричната енергија! – порача Андреевски.
